🎥 „ვტირი, როგორი მატყუარა ყოფილა დედაჩემი…“ – ნინი შერმადინის შვილი დედაზე (ვიდეო)

ქართველი მომღერალი ნინი შერმადინი, რომელიც ბოლო წლებია ამერიკაში ცხოვრობს და საქმიანობს, სოციალურ ქსელში აქტიურობით გამოირჩევა. ნინი შერმადინს ერთადერთი შვილი ჰყავს, რომელსაც ცოტა ხსნის წინ 16 წელი შეუსრულდა. 

ამჯერად იგი შვილთან ერთად გადაღებულ სახალისო ვიდეოს აქვეყნებს სახელწოდებით – „ჩვენ ვუსმენთ და არ განვსჯით“.

„ცოტას გაგართობთ დილიდან მე და მარიამო. „ჩვენ ვუსმენთ და ან განვსჯით”. როცა სკოლაში ვაგვიანებ, ვამბობ რომ ან ფეხი მოგტყდა ან ავარიაში მოყევიო ხალხნო“, – წერს ნინი შერმადინი ვიდეოზე.

დედა-შვილი ვიდეოში იმ ამბებს უმხელენ, რომელიც მათ ერთმანეთს მოატყუეს:

ნინი შერმადინი: იმ დღეს რომ მთხოვე ფრჩხილებზე წამიყვანეო, მე გითხარი რომ დავრეკე და ადგილი არ ჰქონდათ, რადგან მეზარებოდა.

მარიამ ციცაგი: ამერიკელი ბავშვები თავისთან რომ მეპატიჟებიან, ვეუბნები რომ ძალიან მკაცრი დედა მყავს და არავისთან მიშვებს.

ნინი შერმადინი: ანი ურჩხული დედა გყავს ჰო? იმ დღეს წამწამების დასაგრძელებლად, რომ წავედი მარტო მე ჩავეწერე და შენ არ ჩაგწერე, რადგან დიდი დრო დამეხარჯებოდა შენზე. მე ვაიძულე რომ მასაც მოეტყუებინა.

მარიამ ციცაგი: სახლში რომ მოდიხარ გეუბნები რომ მიმიმ საჭმელი ჭამა, სინამდვილეში არ მახსენდება, რომ დავუყარო. (ძაღლზეა საუბარი)

ნინი შერმადინი: ამასწინათ ჩაი, რომ მთხოვე მომიტანეო, რომ გავსინჯე მომეწონა და ბოლომდე დავლიე. ორი არ მიყიდია. ღორი დედა გყავს. როცა მეკითხებიან მარიამი რატომ არ მღერისო, მე ვეუბნები რომ უსმენოა მეთქი, რათა ლაპარაკი არ გამიგრძელონ.

მარიამ ციცაგი: ანუ ვტირი… ეს როგორი მატყუარა ყოფილა დედაჩემი. სკოლაში რომ მაგვიანდება და მეკითხებიან რატომ დააგვიანე – სულ შენზე ვიგონებ ხოლმე რაღაცებს, ვითომ ფეხი მოგტყდა ან ავარიაში მოჰყევი.

შეგახსენებთ, ნინი შერმადინმა ცოტა ხნის წინ გაავრცელა ინფორმაცია, სადაც ამბობდა რომ მისმა ქალიშვილმა ამერიკის მოქალაქეობა მიიღო.