მოემზადეთ, უფრო გაათბეთ თქვენი სახლიც – სინოპტიკოსები მოსალოდნელ ამინდზე გვაფრთხილებენ
16 ნოემბერს დასავლეთ საქართველოს უმეტეს და აღმოსავლეთ საქართველოს დასავლეთ რაიონებში მოსალოდნელია წვიმა, მაღალ მთაში თოვლი, ზოგან ძლიერი.
გარემოს ეროვნული სააგენტოს ცნობით, საქართველოს ტერიტორიაზე ზოგან დასავლეთის მიმართულების ძლიერი ქარი იქროლებს. ზღვაზე შესაძლებელია 4 ბალიანი შტორმული ღელვა.
მოსალოდნელმა ნალექებმა შესაძლებელია დასავლეთ საქართველოს მდინარეებზე წყლის დონეების მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო)
